Яқинда биз диссидент-олим Муса ал-Қарний Саудия қамоқхонасида вафот этгани ҳақида хабар берган эдик. Инсон ҳуқуқлари фаоллари деярли зудлик билан қироллик ҳокимиятини шайхнинг ўлимида айблаб, қийноқлар ва тегишли даволаниш рад қилинганини эслатди. Аммо кейинроқ қўшимча маълумотлар пайдо бўлиб, эҳтимол шайхнинг ўлими сабабларини ойдинлаштиради.

Саудиялик машҳур олим сешанба куни қамоқда вафот этди. Бу ҳақида хабар берган саудиялик инсон ҳуқуқлари ташкилоти қиролликда инсон ҳуқуқларининг даҳшатли тарзда бузлаётганини таъкидлади.